Të gjitha lajmet

PARASHIKIM

NBA 2019/20, parashikime për sezonin e ri

NBA 2019/20, parashikime për sezonin e ri

Shkruan: A.P

22 October, 2019 @20:43

Liga më e fortë e basketbollit në botë, NBA, sonte pas mesnate do të fillojë me dy ndeshje.

Sivjet sezoni në NBA pritet të kalojë më interesant sesa në vitet e fundit, ngase gjatë afatit kalimtar, super yjet në shumicën e skuadrave janë shkëmbyer dhe mund të themi se është balancuar sado pak liga.

a

Kandidati kryesor për ta fituar titullin sivjet është skuadra e Los Angeles Lakersit. Ata në skuadër e shtuan super yllin Anthony Davis, derisa e forcuan ekipin me Dwight Howard, Danny Green e DeMarcus Cousins.

a

Edhe skuadra e dytë nga Los Angelesi, Cillpersat, bënë dy transferime që me javë u përfolën. Kawhi Leonard dhe Paul George do të tentojnë t’i befasojnë basketbolldashësit, ndoshta ngjashëm sikur që na befasoi Leonard me Raptorsat sezonin e kaluar.

a

Nënkampioni i NBA-së, Golden State Warriors, e humbi super yllin Kevin Durant, i cili u transferua te Brooklyn Nets, por e shtoi në skuadër lojtarin D’Angelo Russell, që pritet t’ia lehtësojë pak punën e Stephen Curryt në sulm në mungesë të Klay Thompsonit të lënduar.

a

Një tjetër shkëmbim të madh bëri edhe Houston Rockets. “Raketat” në skuadër e shtuan super yllin Russell Westbrook, i cili së bashku me James Hardenin pritet të jenë dyshe e pakapshme në sulm.

d

Në Konferencën Lindore, skuadra më së shumti vëmendje është Brooklyn Nets. Skuadra nga New Yorku, e transferoi Kevin Durantin dhe Kyrie Irvingun, por Duranti për shkak të lëndimit do të mungojë gjithë sezonin.

a

Edhe Boston Celtics e forcoi skuadrën me Kemba Walker e Enes Kanter, kurse e draftuan lojtarin Tacko Fall, i cili është i gjatë 226 cm, 3 më pak se legjenda Yao Ming.

a

Philadephia 76ers e largoi yllin Jimmy Butler nga skuadra, por e shtoi Al Horfordin nga Bostoni. Arma kryesore e Phillyt do të jetë trapezi, ku Horford dhe Embiid, do t’i shkaktojnë probleme skuadrave tjera.

Skuadrat që do ta arrijnë Play Offin 2019/20:

a

Konferenca Lindore: Milwaukee Bucks, Philadelphia 76ers, Boston Celtics, Miami Heat, Toronto Raptors, Brooklyn Nets, Indiana Pacers, Orlando Magic.

a

Konferenca Perëndimore: Los Angeles Lakers, Golden State Warriors, Houston Rockets, Los Angeles Clippers, Portland Trail Blazers, Denver Nuggets, New Orleans Pelicans, San Antonio Spurs.

Çmimet individuale

Sa i përket çmimeve individuale, MVP i sezonit të ri parashikojmë të jetë LeBron James. Konkurrentë të fortë për MVP pritet të jenë edhe Giannis Antetokonmpo, James Harden, Antony Davis e Russell Westbrook.

Numri 1 i draftit Zion Williamson, i cili aktualisht është i lënduar, por parashikojmë të zgjedhet “Rookie of the Year”.

Çmimet tjera i parashikojmë kështu:

Trajneri i vitit: Frank Vogel.
Most Improved Player of the Year: Terry Rozier
Defensive Player of the Year: Rudy Gobert.
6th man of the Year: Lou Williams.

Gjithsesi, këto parashikime janë shumë të hershme, sidomos kur dihet që deri në qershor të vitit 2020 shumë gjëra do të ndryshojnë. Skuadrat mund të përforcohen/dobësohen në afatin kalimtar, lojtarë të ndryshëm mund të pësojnë lëndime, trajnerë mund të shkarkohen, e shumë gjëra të tjera, mirëpo neve na mbetet vetëm të tentojmë të parashikojmë dhe të shijojmë magjinë e ligës më të fortë basketbollistike në botë.

MEDIA TALK

Challandes parashikon muajin e ndeshjes Maqedonia V - Kosova

7 April, 2020 @0:21

Selektori më i suksesshëm i Kosovës në historinë e shkurtër të vendit tonë në gara ndërkombëtare, Bernard Challandes, duke folë…

JUGKOREANI

Son Heung-min shkon në ushtri

6 April, 2020 @23:58

Futbollisti i Tottenham Hotspurit, Son Heung-min, do të kryejë shërbimin ushtarak në shtetin e tij, Kore të Jugut, ka konfirmuar…

DON BALON

Marash Kumbulla në radar të Real Madridit

6 April, 2020 @15:33

Qendërmbrojtësi i kombëtares shqiptare, Marash Kumbulla, i është ofruar si zgjidhje kryetarit të Real Madridit Florentino Perez, shkruan sot Don…

STINORI 1999/2000

Tabelat përfundimtare 1999/2000 të Ligave të Dyta të Kosovës

Foto nga arkivi i Brahim Vojvodës, sulmuesit të KF Drenica

6 April, 2020 @14:58

Ishte sezoni i parë i pasluftës në Ligë të Dytë të Kosovës, që në fakt ishin dy. Liga e Dytë…

TOP 10

Laureatët e vitit 2000 nga FFK

6 April, 2020 @0:12

Në stinorin e parë të pasluftës në Kosovë dhe pas shpalljes së Prishtinës kampione të Kosovës, e Gjilanit fitues të…

Të gjitha lajmet nga