Ndërron jetë Kuze

“Jam i sëmurë nga leukemia. Kështu më diagostifikuan, por në spital po shkoj i qetë dhe i sigurtë se mund ta fitojë edhe këtë betejë,” kishte thënë Kuze, në momentin kur e kuptoi sëmundjen. 

Deklarata u dha katër muaj më parë për mediat kroate, ndërsa dje në moshën 61 vjeçare ai u nda nga jeta. 

Kroati Josip Kuze drejtoi kombëtaren shqiptare në futboll prej majit të vitit 2009 deri në tetor të vitit 2011. 

Shumë futbollistë të kombëtares shqiptare kanë shprehur ngushëllimet e tyre drejt familjes së trajnerit, i cili suksesin më të madh në karrierë e arriti me Dinamo Zagrebin dhe konsiderohet si legjendë e këtij klubi kroat.