Në kërkim të fitores, pas 12 viteve

Skuadra e Dritës, që nesër pret Prishtinën në Gjilan, nuk ka arritur t’i mposht kryeqytetasit që nga vjeshta e vitit 2004. 

Atëherë, Drita kishte mposhtur Prishtinën me golat e Mentor Sijarinës dhe Ylber Aliut, e që nga ajo kohë, gjilanasit mbi një dekadë nuk i janë gëzuar fitores, të cilën do ta kërkojnë të shtunën. 

Sa i përket totalit, Prishtina ka 13 fitore, Drita 4, e me barazim kanë përfunduar 12 ndeshje mes këtyre skuadrave, të cilat që nga stinori 1999/00 kanë festuar: Prishtina 10 herë titullin kampion, ndërsa Drita 1 herë.