PARA NDESHJES: LLAPI-BESA
Në kërkim të rikthimit të fitores
16 September, 2017 @11:46
Pas startit të mirë të stinorit me dy fitore radhazi dhe atë pa pranuar gol, Llapi i Tahir Batatinës në dy ndeshjet e fundit barazoi.
Sot, në duelin e xhiros së pestë ndaj Besës ekipi nga Podujeva kërkon rikthimin te fitorja dhe mbajtjen e kreut të klasifikimit, ndërsa në anën tjetër pejanët pa synime, vazhdën e befasive.
Përkundër se u konsiderua si ekip që nuk do të mund t’i bëj ballë skuadrave të përforcuara të Superligës, Besa e Valdet Shoshit tregoi krejt të kundërtën deri tash.
Besa jashtë terrenit të saj ende nuk ka marrë asnjë pikë, derisa Llapi ende s’ka pësuar humbje këtë stinor, ndërsa si vendas ka një fitore dhe një barazim.
