Në stadium me 30% të kapacitetit
19 July, 2021 @14:26
Prishtina ka bërë të ditur se biletat për ndeshjen mes Prishtinës dhe Connah’s Quay Nomads kanë dalë në shitje, ndërsa stadiumi do të jetë i hapur për publikun në 30% të kapacitetit.
Pikat e shitjes së biletave për ndeshjen e Prishtinës ndaj mysafirëve uellsian që luhen në kuadër të raundit të dytë kualifikues të Ligës së Konferencës janë në Sheshin Skënderbeu, Sheshin Zahir Pajaziti dhe para Newborn.
Ato shiten prej orës 13:00 deri në ora 21:00. Ndërsa ndeshja luhet më 20 korrik me fillim prej orës 18:00.
Kujtojmë Prishtina u eliminua nga Ferencvarosi në raundin e parë kualifikues të Ligës së Kampionëve, pasi që pat kaluar me dy fitore nga raundi parakualifikues. Eliminimi në raundin e parë, i solli ata në raund të dytë kualifikues të Ligës së Konferencës.
