Nedim Yigit, trajner i Lirisë

Turku Nedim Yiğit është emëruar trajner i ri i Lirisë së Prizrenit, pasi që këta të fundit ndanë rrugët me trajnerin e deritashëm që i futi në Superligë ata, Xhengis Rexhepi.

Yiğitka qenë ndihmës i trajnerit të Turqisë, Fatih Terim, ndërsa ka punuar si drejtor i Akademisë së Galatasarayit dhe Basaksehirit së fundi. Këtë vit, ai ka drejtuar Iskenderunsporin në ligën e tretë turke.

Menaxheri i klubit të Lirisë Valon Osmani për faqen zyrtare të klubit ka thënë se përvoja e e tij pritet të sjellë suksese në klubin tonë, por edhe futbolli kosovar do të ketë dobi ka ky njohës futbolli.

“Ai, tashmë zyrtarisht do të jetë kryetrajner i Lirisë. Shoresojmë që përvoja e tij t’i sjellë suksese klubit por dhe futbollit kosovar të ketë dobi nga ky njohës i futbollit”, ka thënë ai.

Në anën tjetër vetë trajneri Yiğit me rastin e prezantimit të tij ka thënë se do të bëjnë punë të mirë me ekipin.

“Do të bëjmë punë të mira. Do të shpërndajë gjithë dijen time për të dërguar ekipin në nivele të larta,” ka thënë trajneri i ri i bardhezinjëve.◼️