GAME 1: CAVS - PACERS
Nënkampioni nis me humbje
16 April, 2018 @9:37
Nënkampioni i NBA-së, Cleveland Cavaliers, duke u mposhtur nga Indiana Pacers me rezultat 98-80, nuk startoi mirë fazën e Play Offit.
Cleveland gjatë gjithë ndeshjes, ishte në disavantazh, ku asnjëherë nuk kaloi në epërsi dhe u pajtua me humbje.
Te Indiana, Victor Oladipo, shkëlqeu me 32 pikë, 6 kërcime, 4 asistime e 4 topa të vjedhur, luajti rolin kryesor në fitoren e skuadrës.
Ndërsa te Cavsi, si zakonisht, super ylli i skuadrës LeBron James, luajti me shifrat magjike triple double (24 pikë, 12 asistime e 10 kërcime), por nuk u ndihmua aq sa duhet edhe nga bashklojtarët e tij.
Indiana Pacers, kaloi 1-0 në epërsi në seri, derisa edhe ndeshja e dytë do të luhet në palestrën e Clevelandit me 19 prill në ora 1:00.
