TREPÇA '89 - ARBËRIA
Nga një gol për nga një pikë, ‘89-shi e Arbëria “në paqe”
15 February, 2021 @15:00
Në njërën prej dy ndeshjeve të ditës në Superligë, mes vete u përballen Trepça ‘89 dhe Arbëria.
Ky duel në fund u mbyll me rezultat 1-1 (Adenis Shala 70’ / Anes Hoti 4’).
Seria e golave në këtë takim u hap pas vetëm 4 minutave lojë.
Ishte Anes Hoti i Arbërisë ai që e gjeti fundin e rrjetës në minutën e 4’, për t’i dërguar mysafirët në epërsi minimale.
Kjo epërsi arriti të mbahet vetëm deri në minutën e 70’, kur Adenis Shala i mitrovicasve shënoi për 1-1.
Në vazhdim të ndeshjes më gola nuk pati dhe skuadrat u detyruan të pajtohen me barazim.
Të paktën përkohësisht, të dyja këto skuadra ndodhen jashtë zonës së rrezikshme në tabelë.
