Nikoqiri me goleadë në ndeshjen hapëse

Në ndeshjen hapëse të Botërorit të Rusisë, përfaqësuesja nikoqire ka shënuar fitore bindëse 5-0 ndaj Arabisë Saudite, për ta filluar kështu kampionatin ‘me këmbë të mbarë’.

Epërsia e rusëve erdhi në minutën e 12’, kur Gazinskiy shënoi me kokë, ndërsa për dyfishimin e epërsisë realizoi Denis Cheryshev, i inkuadruar nga banka rezervë pas lëndimit të Dzagoevit në minutën e 24’ të ndeshjes.

ORARI DHE GRUPET - RUSSIA 2018

Sikur goli i dytë, edhe ai i treti i Rusisë u shënua nga një zëvendësues. Për 3-0 u përkujdes Artem Dzyuba, i cili realizoi me kokë, e seria e golave u mbyll nga dy super gola në minutat shtesë, fillimisht nga Cheryshev e më pas nga Golovin. Në anën tjetër, Arabia Saudite përgjatë gjithë ndeshjes zhvilloi lojë pa ide, me gabime të shumta në pasime, mbajtje të tepruara të topit dhe me mesfushë pothuajse inekzistente.

Në duelin tjetër të rrethit të parë të Grupit A përballen Egjipti e Uruguaji nesër me fillim nga ora 14:00.