Nuhiu dhe Shkurtaj, synimet e De Biasit

Sulmuesi numër një i kombëtares shqiptare, Hamdi Salihi, së fundi arriti të gjejë ekip, duke mos luajtur në tre muajt e fundit prej se përfundoi kampionati kinez. 

Shtatëgjati Edgar Çani aq pak u aktivizua me Carpin në Serie B, thuajse shkonte aty sa për tu stërvitur. 

Kullat shqiptare

Dyshja sulmuese e kombëtares shqiptare pa angazhim të duhur për të qenë në formë, ka shtyer përzgjedhësin italian Gianni De Biasi që të kërkojë sulmues të tjerë. 

Pas vrojtimit dhe analizës, italiani ka shënjestruar dyshen e gjatë të qendrës së sulmit. Bëhet fjalë për lojtarin premtues të Rodas, Vasil Shkurtaj dhe atë të Sheffield Wednesday, Atdhe Nuhiu. Grekët luajnë me më të mirët e Azisë, Korenë Jugore. Serbët luajnë me Irlandën, derisa boshnjakët me egjiptasit, ish kampionen e Afrikës. 

Shkurtaj është vetëm 21 vjeçar, luan në pozitën e sulmuesit dhe është 190 centimetra i gjatë. Ai është pjesë e ekipit elit holandez, Roda. 

Vlonjati Shkurtaj është paraqitur 6 herë këtë stinor me Rodën duke shënuar 1 gol. De Biasi është konsultuar vazhdimisht me trajnerin e U-21, Skënder Gega për Shkurtajn. 

Në anën tjetër, Atdhe Nuhiu 24 vjeçar që luan në njërin ndër kampionatet më të vështira, Championship të Anglisë, është gjithashtu mundësi për italianin e Shqipërisë. Mirëpo… Nuhiu e ka vështirë të heq dorë nga pasaporta austriake për çështje familjare. 

Sidoqoftë, Shqipëria ka nisur procedurat e përshpejtuara për të paisur atë me pasaportin e kuq shqiptar. Nuhiu ka bagazh të mirë të përvojës për moshën që ka dhe këtë e ka pëlqyer shumë edhe De Biasi. 

Ai këtë stinor ka luajtur 21 ndeshje në Championship duke shënuar 3 gola. Gjatësia e tij 197 centimetërshe i përshtatet sistemit të De Biasit, i cili në stilin italian kërkon shtyllë në sulm, që duhet të jetë i gjatë dhe i mirë në lojë me kokë. 

Kundërshtarët e të tjerëve, për lakmi

Kombëtarja shqiptare ka aranzhuar një kundërshtar jo të pëlqyer nga opinioni i gjërë sportiv dhe publiku për miqësoret e 5 marsit. Malta, është gati 80 vende mëposhtë se Shqipëria në renditjen e FIFA-së, derisa pritjet për një kundërshtar së paku të barabartë për kah cilësia kanë dështuar. 

Sa për informatë shtetet e regjionit kanë arritur marrëveshje me kundërshtarë të denjë dhe të nivelit të tyre ose edhe më të mirë. 

Maqedonia, ndër më të dobëtat bashkë me Shqipërinë në regjion, ka aranzhuar ndeshje me Letoninë - më e mirë se Malta për disa herë. Mali i Zi luan me Ganën.