PARIS ST GERMAIN
Numërojnë ndeshjet për titullin
7 February, 2016 @22:59
As rivali më i madh i tyre nuk ka arritur t’i bëj asgjë. Paris St Germain ka tejkaluar Olympique Marseillin në Velodrome sonte me fitore 1-2 për të vazhduar rrugëtimin e pamposhtur drejt titullit kampion.
Me 24 pikë larg Monacos që është i dyti në tabelë, parisienët e drejtuar nga Laurent Blanc, duhet të shënojnë fitore edhe në 5 ndeshjet e radhës për të siguruar edhe matematikisht titullin kampion - e në tetë xhirot e fundit të luajnë sa për sy e faqe.
Me këtë fitore Paris St Germain ka thyer rekordin e vetë për ndeshje radhazi pa humbje, duke e çuar atë në 34.
