DUKAGJINI - BESA
Pa fitues në derbin e Ligës së Parë
21 October, 2018 @16:44
Dueli i dy skuadrave të para në tabelën e Ligës së Parë, Dukagjinit dhe Besës, ka përfunduar pa fitues.
Shikuesit të cilët i mbushën tribunat e stadiumit “18 Qershori” të Klinës, nuk patën fatin që të shohin ndonjë gol përgjatë 90 minutave.
Rastin më të mirë në ndeshje e kishte Met Millaku i Dukagjinit, i cili pati mundësi të shënonte nga penalltia, por që goditja e tij nuk ishte e saktë.
Ky rezultat, i ka shkuar përshtati më së shumti skuadrës së Vëllaznimit, e cila e ka kaluar edhe Dukagjinin edhe Besën në radhitjen tabelare, për t’u ngjitur në krye.
