Pa fjalë, por me punë

Afrim Tovërlani tashmë ka katër tituj të regjistruar në karrierën e tij si trajner në Kosovë.

Ai sot triumfoi me Ferronikelin në Gjilan 0-1, ndërsa humbja e Hajvalisë ndaj Besës ia shkurtoi rrugën për titull.

“Ka qenë një fitore e mundimshme kjo e sotmja, ngase rivali ka qenë shumë i vështirë,” ka thënë fillimisht ai.

“Sa i përket titullit asnjëherë nuk kam thënë që do të bëhemi kampionë. Kemi thënë se do të luftojmë që të mbrojmë titullin, pa shumë fjalë, pa deklarata, por me shumë punë e angazhim,” ka shtuar Tovërlani pas ndeshjes.

Ky është titulli i parë i Tovërlanit me një ekip tjetër në Superligë, pasi që 3 të tjerat i kishte fituar me Prishtinën.