Pa gola e pa befasi, Atletico kalon tutje

Pa gola u mbyll takimi kthyes mes Atletico Madridit e Leverkusenit, takim i cili nuk pati interesim të madh, marrë parasysh faktin që ndeshja e parë në Gjermani kishte përfunduar 2-4 në të mirë të Atleticos dhe një ‘befasi e paparë’ në ‘Vicente Calderon’ ishte pak e besueshme, kur dihet se çfarë forme ka Atletico i Simeones në ndeshjet si vendas.

Rastet nuk munguan nga të dyja skuadrat në këtë takim, derisa për t’u përmendur është paraqitja fenomenale e portierit Oblak, i cili e shpëtoi Atleticon në disa raste të gjermanëve për shënim.

Gjithashtu, kjo ishte hera e 17 në 20 takimet e fundit në shtëpi në kuadër të Ligës së Kampionëve që Atletico e mban portën e paprekur, një statistikë kjo e jashtëzakonshme për nënkampionin në fuqi të Evropës.