FUSHË KOSOVA - BESA
Pa Munishin, Besa përjeton humbjen e parë
15 September, 2018 @18:10
Skuadra e Besës që nisi në mënyrë më të mirë të mundshme stinorin në Ligë të Parë dhe po mëton rikthimin në Superligë, ka përjetuar humbjen e parë të stinorit sot.
Ekipi pejan është mposhtur nga Fushë Kosova sot, ku për vendasit ka shënuar Selim Maçastena në minutën e 45-të të ndeshjes për epërsinë, që doli të jetë rezultat për fitore, 1-0.
Besa nuk ka arritur të rikthehet në lojë përgjatë pjesës së dytë, ndërsa ka shënuar humbjen e parë të stinorit dhe ka rënë nga pozita e parë e klasifikimit.
Fushë Kosova ka shënuar fitoren e dytë të stinorit sot dhe tash ka arritur në mes të klasifikimit. Besa ditë më parë ka mbetur pa trajnerin Ismet Munishi, që u largua për arsye personale nga ekipi.
