STËRVITJET E KUQEZINJËVE
Panucci vëzhgon kuqezinjtë në stërvitje
29 August, 2017 @13:25
Selektori i ri i kombëtares shqiptare, Christian Panucci, ka vëzhguar nga mesi i fushës futbollistët kuqezi në stërvitjen e sotme.
Me një fascikëll dhe letër të bardhë, ku shkruante atë çka shihte në fushë dhe planin për stërvitjet e radhës, Panucci nuk është parë duke folur shumë me lojtarët, derisa këta të fundit kanë vazhduar stërvitjen në atmosferë të mirë kryesisht.
Shqipëria është duke bërë përgatitjet e fundit para ndeshjes së 2 dhe 5 shtatori ndaj Lihtenshtajnit dhe Maqedonisë.
Italiani Panucci do të debutojë si trajner i Shqipërisë në ndeshje ndaj Lihtenshtajnit në Elbasan Arena të Elbasanit.
