PARA DUELIT ROMA - REAL
Para superduelit
17 February, 2016 @11:40
Sonte zhvillohet njëra ndër përballjet më interesante të Ligës së Kampionëve në Olimpico të Romës, ku takohen Roma me Real Madridin.
Vendasit janë optimistë me trajnerin e ri Luciano Spalleti, ashtu sikurse edhe mysafirët me gjithashtu trajnerin e ri Zinedine Zidane.
“Kemi ekip për të krijuar shumë dhe besojmë se do t’ia arrijmë,” ka thënë Spalletti para ndeshjes së sontme.
Në anën tjetër Zidane ka besim të madh te ekipi i tij dhe e sheh ekipin si favorit për të fituar Ligën e Kampionëve.
“Real Madrid luan gjithnjë për fitore dhe kemi ekip për të fituar krejt garën,” ka thënë ai.
Te Roma në dyshim për paraqitje janë dy yjet e ekipit Daniele De Rossi dhe Francesco Totti për shkak të lëndimeve të lehta, ndërsa te Real Madridi të sigurt në mungesa janë Gareth Bale dhe qendërmbrojtësi Pepe.
