Pas 4 xhirosh, Bashkimi largon trajnerin

Pas humbjes nga Ylli në xhiron e fundit të Superligës, Bashkimi ka ndërprerë marrëveshjen me trajnerin e deritashëm të tij, Predrag Milovic.

Njoftimin e ka bërë para pak çastesh vetë klubi portokallezi nga Prizreni, përmes një njoftimi në Facebook.

TABELA AKTUALE

Malaziasi Milovic ka drejtuar Bashkimin për më pak se një muaj. Ai ka arritur bilanc 2-2 në Superligë, duke pësuar nga Sigal Prishtina dhe Ylli, ndërsa në një ndeshje të vetme të BIBL që ka drejtuar ai, Bashkimi është mposhtur si mysafir i Blokotehnas nga Gjevgjelia.

TABELA BALKANLEAGUE

Arsye tjera për lirimin kaq të hershëm të trajnerit nuk janë bërë të ditura nga ekipi prizrenas, ndërsa ky është largimi i parë që ndodh në Superligë pas vetëm 4 xhirove të para të zhvilluara.

Bashkimi të mërkurën ndeshet me Tiranën në kuadër të BIBL, përsëri si mysafire, ndërsa në xhiron që vjen të Superligës pret Pejën.