“Peja do të kthehet”

Pas afro 6 muajsh, faqja zyrtare e Pejës në Facebook, ka bërë postimin e parë të saj sot, pas fitores ndaj Trepçës të shënuar dje.

TABELA AKTUALE E SUPERLIGËS

Ekipi që është në krizë financiare dhe aktualisht po varet nga lojtarët vendorë ka shënuar fitore bindëse ndaj Trepçës, ndërsa ka paralajmëruar se problemet do të rregullohen dhe KB Peja do të kthehet aty ku e ka vendin.

“Duke u nisur nga fakti që kemi probleme ligjore të cilat në të ardhmen do rregullohen, por edhe kërkesave të shumta që të përkrahen lojtarët e rinj, këtë sezonë kemi planifikuar që të ju japim hapsirë më të madhe ekipës e cila për nga mosha është një nga më të rejat në Superligën e Kosovës.
Dhe ky ekip mbrëmë shënoi fitoren e parë në ndeshjen e parë të saj kundrejt KB Trepçës me rezultat 70-93. Peja me hapa të sigurtë do kthehet aty ku e ka vendin,” ka shkruar njoftimi i Pejës në Facebook i botuar pak më parë.

Ndër basketbollistët më të dalluar të Pejës aktualisht, Leonard Mekaj, dje për Borozani.com ka thënë se ekipi i tij ka nxjerrë rezultat shumë të mirë në fitore ndaj Trepçës, kur dihet që ekipi ka nisur stërvitjet ditë para ndeshjes.

Dueli i radhës për Pejën është ndaj kampiones aktuale të Kosovës, Sigal Prishtinës.