Penalltitë vendosin, Llapi në çerekfinale!

Pas Ferizajit, Trepçës ‘89 dhe Drenicës, skuadra e katërt që e ka siguruar kualifikimin për në çerekfinalen e Kupës së Kosovës është Llapi.

Të parët në epërsi kaluan mysafirët nga Llapi me golin e Festim Krasniqit nga gjuajtja e lirë, kurse goli i barazimit për kampionin në fuqi të Kosovës erdhi nga autogoli i Hamdi Namanit në minutën e 66’ dhe koha e rregullt u mbyll me rezultat 1-1 dhe për ta përcaktuar skuadrën fituese u nevojit që të luhej koha shtesë. 

Në kohën shtesë, përsëri të parët në epërsi kaluan llapjanët me golin e Mirlind Dakut, i cili me dinakëri e shfrytëzoi gabimin e Ardian Limanit në mbrojtjen vendase. E kur u mendua se Llapi do të kualifikohej, vendasit fituan një penallti, me Edon Zeqirin e Llapit që luajti me dorë dhe gjyqtari Genc Nuza nuk hezitoi të akordonte penallti.

Nga pika e bardhë i saktë u tregua Mendurim Hoti dhe rezultati u barazua në 2-2, duke bërë që fituesi të përcaktohej pas penalltive, e aty më të suksesshëm u treguan llapjanët, të cilët shënuan 4 herë dhe i pësuan vetëm 2 gola dhe arritën kualifikimin në çerekfinale.

Figurat tragjike të Feronikelit ishin Mark Milicaj dhe Ylli Hoxha, të cilët gabuan në gjuajtjet e tyre dhe i mundësuan Llapit që të mos e lëshojë nga dora mundësinë e artë për kualifikim.

Seritë e penalltive: