RIISE
Pensionohet nga kombëtarja
7 May, 2013 @10:14
Mbrojtësi i Fulhamit, John Arne Riise, ka vendosur që të pensionohet nga përfaqësuesja. Norvegjezi 32 vjeçar beson se duhet të lë përfaqësuesen, nëse dëshiron të vazhdojë të luaj futbollin ekipor edhe katër apo pesë vite tjera.
“Pas shumë mendimeve vendosa që të mos vazhdojë me përfaqësuese. Tani jam në fazën finale të karrierës dhe nëse dëshiroj të luaj futboll ekipor edhe katër ose pesë vite, atëherë duhet ndahem nga kombëtarja,” ka thënë norvegjezi Riise.
John Arne Riise ka marrë këtë vendim pas disfatës në kualifikime për Kampionatin Botëror nga Shqipëria, ndërsa nëse nuk ndërron diçka - ai nuk do të luajë në ndeshjen e radhës që Shqipëria e luan ndaj Norvegjisë si vendase.
Riise është rekorder i paraqitjeve me kombëtaren norvegjeze dhe është njëri ndër legjendat e shtetit skandinav me 110 paraqitje. Ai ka debutuar për përfaqësuesen në janar të vitit 2000.