KBF PENZA - KBF KASTRIOTI
Penza me dy rekorde, turpëron Kastriotin
4 December, 2021 @16:24
Kampionja aktuale e Ligës së Femrave, Penza, e deklasoi Kastriotin me rezultat 148-11.
Penza ka dominuar gjatë tërë ndeshjes, derisa në çerekun e tretë nuk ka pësuar asnjë pikë.
Vashat e trajnerit Bujar Loci, duke shënuar 148 pikë e theu rekordin sezonal, derisa e mposhti kundërshtaren me 137 pikë që ishte epërsia më e lartë në një ndeshje në këtë sezon.
Ermelinda Gjuka ishte koshashënuesja më e mirë te Penza. Ajo luajti me 20 pikë, 13 kërcime, 4 topa të rrëmbyer, 2 bllokada e 1 asistim. derisa u ndihmua edhe nga Jeta Zeka me 19 pikë, 8 kërcime, 8 asistime e 6 topa të rrëmbyer, Cheah Rael Whitsitt me 18 pikë, 10 kërcime dhe Melita Luci me 17 pikë, 13 asistime e 8 topa të rrëmbyer.
Te Kastrioti Yllza Hugurlica ishte me e dalluara me vetëm 3 pikë.
Penza përkohësisht ngrietet në krye të Ligës me 8 fitore e 1 humbje dhe pret Prishtinën të gabojë sonte kundër Bashkimit, në anën tjetër Kastrioti me 0 fitore e 9 humbje gjendet në fund të tabelës.
Penza në xhiron tjetër do të takohet me Prishtinën, kurse Kastrioti me Vëllaznimin.
