Përcaktohen finalistët në Play Off-in e futsallit

Pasi i fituan ndeshjet e para në shtëpi, Feniksi e Liburni kaluan me sukses edhe ndeshjet e dyta ndaj Prishtinës, respektivisht Besës, për të kaluar kështu në finale të Play Off-it në Superligën e Kosovës në futsall.

Në fakt Feniksi ndeshjen e dytë ndaj Prishtinës e fitoi pa udhëtuar fare, pasi që ndeshja u anulua për shkak të problemeve me të cilat po ballafaqohet skuadrat kryeqytetase, derisa Liburni triumfoi në Pejë me rezultat 2-4.

SKEMA E PLAY OFF-IT

Kështu, në finale mes vete do të përballen dy skuadrat dominuese të futsallit kosovar në vitet e fundit, Feniksi e Liburni. Ndeshja e parë luhet në Drenas të premten (25 maj) me fillim nga ora 21:00, e më pas seria bartet në Gjakovë.