Përdedaj në dyshim për ndeshjen me Turqinë

Futbollisti i rëndësishëm i përfaqësueses së Kosovës, Fanol Përdedaj, është në dyshim nëse do të luaj më 12 nëntor kundër Turqisë në kualifikimet për Kampionatin Botëror.

Lajmin e ka konfirmuar përzgjedhësi i përfaqësueses, Albert Bunjaki, i cili ka folur për Radio Kosovën.

“Përdedaj është në dyshim nëse do të luajë, pasi që ka një lëndim. Ai është në përbërje të skuadrës së tij për ndeshjen e sotme, por nuk do të luajë për të mos rrezikuar lëndimin. Gjithçka do të vendoset pas ndeshjes së sotme të skuadrës së tij. Ai është lojtar i rëndësishëm për ne dhe shpresojmë të jetë i gatshëm për Turqinë,” tha Bunjaki.

Në rast të mungesës së Përdedajt, alternativë e tij mund të jetë futbollisti i ftuar për herë të parë, Mërgim Vojvoda.

Lista e Kosovës për ndeshjen me Turqinë do të publikohet nesër në konferencën për shtyp nga ora 13:00.