Përkrahje masive gjatë EURO 2016

Muajin që vjen, Shqipëria ndeshet me Portugalinë në Aveiro. Kjo do të jetë ndeshja e parë zyrtare e kuqezinjëve në kualifikime për EURO 2016, prej ku nis misioni i vështirë, por jo edhe i pamunudur. 

Përkundër se Shqipëria është në grup tejet të vështirë, Tifozat Kuq e Zi, që tashmë kanë bërë emër si grupacion i madh mbarëkombëtar kanë kërkuar përkrahje edhe më të madhe nga të gjithë shqiptarët kudo që janë për të realizuar ëndrrën e brezave të tërë. 

“Bashkohu edhe ti dy ngjyrave më të bukura mbi dhe, sepse bashkë mund t’ia dalim,” shkruan në faqen zyrtare të tifozëve të kombëtares shqiptare - që do jenë lojtari i 12-të në fushë për djelmoshat e Gianni De Biasit. 

Shqipëria këtë vit përveç Portugalisë do të takohet edhe me Danimarkën dhe Serbinë. Pas udhëtimit në Portugali, nga ku kuqezinjtë kanë kujtime të bukura (barazimi i madh 0-0), kombëtarja do të pret në Elbasan Arena Danimarkën më 11 tetor dhe do të udhëtojë për Beograd për ndeshje me Serbinë, tre ditë më vonë. 

Përveç përfaqësueseve të përmendura edhe Armenia është kundërshtar në këtë Grup, ku dy të parat kualifikohen direkt në EURO 2016, derisa i treti (nëse nuk është i treti më i mirë i të gjitha grupeve) shkon në barazh.