CHAMPIONSHIP PLAYOFF
Përsëri në finale
15 May, 2019 @0:16
Pas fitores në ndeshjen e parë 2-1 dhe humbjes në ndeshjen e kthimit 1-0, ndeshja gjysmëfinale e PlayOffit të Championshipit ka shkuar në vazhdime.
As në vazhdime nuk kishte gola dhe pas penalltive të ekzekutuara, Aston Villa për herë të dytë radhazi ka arritur finalen e PlayOffit, duke e mposhtur West Bromwich Albionin 4-3 me 11 metërsha.
Në finale, Aston Villa do të pret fituesin e ndeshjes Leeds United - Derby County. Dueli kthyes mes këtyre dy ekipeve luhet më 15 maj, derisa Leeds fitoi ndeshjen e parë 1-0.
E finalja e madhe që jep biletën e fundit për Premier Ligë 2019/20 luhet më 27 maj në Wembley të Londrës.
Dy ekipet tjera që kanë siguruar Premier Ligën nga Championshipi këtë stinor janë Norwich City dhe Sheffield United.
Aston Villa finalen e kaluar të Playoffit të Championshipit e kishte humbur nga Fulham 1-0, që ua mohoi atyre Premier Ligën.
