Portieri i Prishtinës në prova te ish kampioni zviceran

Numri i futbollistëve shqiptarë te skuadra zvicerane, Lugano, mund të rritet edhe për një.

Kjo mund të ndodhë nëse futbollisti aktual i Prishtinës, Alban Muqiqi, i kalon testet te ekipi zviceran.

Klubi bardhekaltër sot nëpërmjet faqes zyrtare ka bërë të ditur se Lugano e ka pëlqyer futbollistin në fjalë nga videoincizimet dhe e ka ftuar atë për pesë ditë për provë.

“Lugano së pari më ka kërkuar CD nga ndeshjet e luajtura dhe një CD të stërvitjeve dhe pasi që i kanë parë kanë shprehur interesim që për pesë dihet të sprovohem nga ta. Edhe pse këtu do të le skuadrën e cila nuk është në aq gjendje të mirë të rezultateve, shpresoj që të tregoj potencialin tim dhe të tregoj aftësitë e mija, e pse jo të siguroj kontratë, edhe pse pas pesë ditësh sërish do të kthehem, e nëse veç bindi, në qershor do të isha pjesë e FC Luganos. Unë jam maksimalisht i përgatitur fizikisht, sepse si pa shkuar atje, e sidomos pas ftesës, kam punuar intensivisht për këtë rast. Për atje mos të flasim për kushtet që i kanë, ia vlen përfundimisht, sepse këtu nuk besoj se në të ardhmen e afërt do të ketë ndonjë përmirësim të dukshëm,” ka thënë Alban Muqiqi.

Portieri 20 vjeçar këtë stinor është paraqitur tre herë në Superligë për Prishtinën, duke qenë një “back-up” i mirë për portierin e parë, Visar Bekajn.

Pjesë e skuadrës së Luganos aktualisht është edhe mbrojtësi i kombëtares shqiptare, Frederik Veseli.

Lugano ka qenë kampion i Zvicrës për herë të fundit në stinorin 2000/01.