MESFUSHORI HOLANDEZ
Prej Fenerbahçes në Besiktas
7 August, 2017 @10:11
Mesfushori holandez i Sunderlandit, Jeremain Lens, sot ka kaluar testet mjekësore te Besiktas, para finalizimit të marrëveshjes te kampioni i Turqisë, që do të luajë në Ligë të Kampionëve.
Lens 29 vjeç është i njoftuar mirë me elitën e futbollit turk, pasi që në stinorin e kaluar luajti si huazim te Fenerbahçeja, ku në 26 paraqitje shënoi 4 gola.
Besiktas i ka paguar Sunderlandit për huazim një vjeçar 1.5 milionë euro, me opcion blerjeje në fund të stinorit 4.89 milionë euro.
Ndërkaq, holandezi Lens do të fitojë 2.2 milionë euro për stinor si dhe bonus 4 mijë euro për çdo pikë të fituar të Besiktasit në stinorin 2017/18.
