Prej Interit në Milan

Skuadra e Milanit ka arritur të marrë qendërmbrojtësin e rivalit lokal, Inter, ka bërë të ditur shefi i klubit rossoner, Adriano Galliani. 

Bisedimet kanë përfunduar, marrëveshja është kryer dhe tani Silvestre duhet vetëm të kalojë testet mjekësore para zyrtarzimit te ne, ka thënë Galliani për Sky Italia sot. 

Nga portalet sportive italiane bëhet e ditur se Milan ka marrë Silvestren 28 vjeçar si huazim me opcion blerjeje në fillim të stinorit të ardhshëm. Silvestre kishte ardhur në Inter nga Palermo, derisa më parë kishte djersitur fanellën e Catanias për katër stinor, para se të vinte aty nga Boca Juniors.