NË STAMBOLL
Prej Interit te Besiktas
11 August, 2017 @13:09
Mbrojtësi agresiv 30 vjeçar nga Kili, Gary Medel, është lojtar i ri i Besiktasit të Stambollit.
Futbollisti që në tre vitet e fundit të karrierës së tij veshi fanellën e Interit sot ka arritur edhe marrëveshje formale me kampionin turk, ndërsa shpejt pritet të zyrtarizohet si lojtar i ri i skuadrës turke.
Detajet e transferit të lojtarit prej Interit te Besiktas, thuhet të jenë 2.5 milionë euro dëmshpërblim, ndërsa lojtari do të merr kontratë 4 vjeçe.
Medel, praa se të luante në Inter, ka qenë pjesë e Cardiff Cityt në Premier Ligë, pastaj Sevillas në La Liga, ndërsa para se të arrinte në Europë, ka veshur fanellën e Boca Juniorsit dhe Universidad Catolicas nga Kili. Ai ka regjistruar 80 paraqitje me reprezentacionin e Kilit.
