SHANI NUSHI - GJAKOVË
Foto: Albi Gjoka/ Facebook
Prekazi shkëlqen, Vëllaznimi kryen stinorin me 100+
15 April, 2015 @19:51
Skuadra gjakovare, Vëllaznimi, që ka siguruar muaj më parë mbijetesën në Superligë, ka arritur të shënojë fitoren e nëntë të stinorit sonte.
Kuqezinjtë kanë mposhtur Besën me rezultat të thellë në palestrën Shani Nushi të Gjakovës, duke shënuar mbi 100 pikë në koshin e pejanëve.
Kjo ka qenë njëra ndër paraqitjet më të mira të Vëllaznimit këtë stinor, në ditën kur ata mbyllën për 2014/15 edicionin e tyre.
Korab Prekazi ka qenë fantastik sonte, derisa atij i ndihmuan edhe Driton Rraci e Imer Tahiri me pikë dyshifrore të shënuara.
Prekazi shënoi 49 pikë, e 7 asistime në këtë fitoreduke pasur përqindje shumë të mirë për treshe, ku shënoi 8 herë nga 11 tentime.
Në anën tjetër, Besa, që në xhiron e parafundit siguroi Play-Outin e Superligës ka dalë gjithashtu në ndeshje prestigji sonte, ku ndër më të dalluarit te ekipi pejan kanë qenë: Josh Mason, Beqë Kovaçi, Dion Basha dhe Allen Idrizaj.
Me këtë fitore Vëllaznimi përfundon stinorin me bilanc 9 fitore e 19 humbje, derisa Besa e përfundon 2014/15-shen me 5 fitore e 23 humbje.
Statistikat individuale te Vëllaznimi
| 1 | Korab Prekazi | 49 pikë | 3 kërcime | 7 asistime |
| 2 | Driton Rraci | 19 pikë | 4 kërcime | - |
| 3 | Imer Tahiri | 10 pikë | 4 kërcime | 9 asistime |
| 4 | Sami Hajzeri | 9 pikë | 1 kërcim | 1 asistim |
| 5 | Ujkan Karanezi | 8 pikë | 6 kërcime | 2 asistime |
| 6 | Blendi Matoshi | 5 pikë | 3 kërcime | 3 asistime |
| 7 | Gent Zeka | 5 pikë | - | - |
| 8 | Valon Gashi | 4 pikë | 6 kërcime | - |
| 9 | Leutrim Berisha | 3 pikë | 2 kërcime | - |
Statistikat individuale te Besa
| 1 | Beqë Kovaçi | 15 pikë | 3 kërcime | 1 asistim |
| 2 | Joshua Mason | 13 pikë | 1 kërcim | - |
| 3 | Allen Idrizaj | 11 pikë | 2 kërcime | - |
| 4 | Dion Basha | 11 pikë | 2 asistime | - |
| 5 | Kushtrim Zeqiraj | 8 pikë | - | - |
| 6 | Denis Kullashi | 6 pikë | 1 kërcim | 1 asistim |
| 7 | Mehmet Kollqaku | 4 pikë | 3 asistime | - |
| 8 | Ylli Belegu | 3 pikë | 1 kërcim | - |
| 9 | Rron Deçani | 3 pikë | - | - |
| 10 | Butrint Gashi | 2 pikë | - | - |
