Pret punë të mirë

Selektori i Kosovës, Damir Mulaomerovic, është shprehur të jetë jashtëzakonisht i kënaqur me përgatitjet e ekipit që po zhvillohen para dy ndeshjeve vendimtare të Kosovës.

Kosova bën pjesë në Grupin B parakualifikues për Eurobasket 2021. Kundërshtar në grup ka Maqedoninë dhe Rumaninë.

Më 29 nëntor luan ndaj Rumanisë, ndërsa tre ditë më vonë, ndaj Maqedonisë - të dyja ndeshjet si mysafire.

TABELA AKTUALE

“Atmosfera në ekip shumë është e mirë, por meqë nuk kanë mbërri të gjithë lojtarët, fillimisht në dispozicion i kam nëntë lojtarë dhe e kam të pamundshme të punoj në taktikë. Po ashtu kemi probleme me basketbollistët amerikanë, që janë të natyralizuar. Do të shohim se si shkojnë punët me ta, por këta lojtarë që janë këtu janë mirë me kondicion dhe me disponim dhe nëse vazhdohet kështu, jam i sigurt që mund të bëjmë punë të mirë,” ka thënë Muloamerovic në prononcimin e tij për faqen zyrtare të FBK-së sot.

LISTA E LOJTARËVE TË FTUAR

Kosova duhet t’i fitojë patjetër dy ndeshjet e radhës për të shpresuar në kualifikim, pasi që vetëm ekipi i renditur si i pari në grup do të sigurojë biletën për më tutje.