Prioritet kampionati, Ballkani lehtë ndaj Ferizajit

Ballkani ka shënuar edhe fitoren e katërt të stinorit nga pesë ndeshje që ka zhvilluar deri tash. Të enjten përkundër se mysafir, Ballkani ka tejkaluar Ferizajin më lehtë sesa që ka pritur duke shënuar fitore bindëse 0-3 [Albion Rrahmani 43, Leotrim Bekteshi 68, Meriton Korenica 77], derisa ekipi ka shkëlqyer me lojë.

Kampionët e Kosovës kanë dominuar në ndeshje, ndërsa rastet që nga fillimi i saj me Nazmi Gripshin, Meriton Korenicën, Ermal Kransiqin, e Albion Rrahmanin kanë paralajmëruar golin, që erdhi pak para fundit të pjesës së parë.

TABELA AKTUALE

Në pjesë të dytë edhe dy gola tjerë për suharekasit, që erdhën nga zëvendësuesi Leotrim Bekteshi, i asistuar nga Meriton Korenica, ndërsa më pas edhe Meriton Korenica shënoi për rezultatin përfundimtar, pas asistimit nga Armend Thaçi.

Me këtë fitore Ballkani ka mbledhë 12 pikë nga 5 ndeshje, me tre ndeshje mangu, që janë shtyer për shkak të angazhimit ndërkombëtar të ekipit.

Ferizaji i Arbnor Morinës në anën tjetër deri tash ka një fitore të vetme, ndërsa ka regjistruar edhe humbjen e tretë sezonale.

Edhe pas ndeshjes, përkundër angazhimit në gara ndërkombëtare, trajneri Ilir Daja ka thënë se Ballkani prioritet e ka kampionatin, ndërsa në gara evropiane do të tentojnë të japin maksimumin për të paraqitur sa më mirë ekipin dhe futbollin kosovar në përgjithësi.