EUROPA LEAGUE PRELIMINARY ROUND
Prishtina në Europa League, sonte ndeshja e parë
27 June, 2019 @8:52
Me fillim nga ora 20:45, sonte skuadra e Prishtinës zhvillon ndeshjen e parë të raundit preliminar të Europa League.
Nënkampioni i Kosovës në futboll sonte e luan takimin e parë ndaj skuadrës St.Joseph’s nga Gjibraltari, derisa ndeshja kthyese do të zhvillohet më 2 korrik në Gjibraltar.
Takimi i sontëm zhvillohet në “Fadil Vokrri”, derisa biletat për këtë takim janë në shitje gjatë ditës së sotme në pikat shitëse rreth stadiumit.
Çmimet e biletave:
Tribuna veriore: 3 euro.
Tribuna lindore: 5 euro.
Tribuna perëndimore: 8 euro.
Tribuna VIP: 15 euro.
Sipas faqes zyrtare të klubit kryeqytetas, për shkak të mungesës së licensave mungojnë Januzi e Bardhoku, derisa në dyshim për shkak të lëndimeve janë Khalid e Korenica.
Kujtojmë që sipas shortit, nëse Prishtina e kalon këtë fazë, në fazën tjetër kualifikuese do të ndeshet me skuadrën e Rangers nga Skocia.
