Fantasy TopSporti
Të gjitha lajmet
Tabelat dhe Rezultatet

ST JOSEPH'S - PRISHTINA

Prishtina zhgënjen përsëri, mposhtet dhe eliminohet

G.B për TOPSPORTI

Prishtina zhgënjen përsëri, mposhtet dhe eliminohet


2 July, 2019 @19:38

Pas barazimit 1-1 në ndeshjen e parë në shtëpi, Prishtina ka zhgënjyer edhe në ndeshjen e kthimit ndaj skuadrës St Joseph’s në Gjibraltar, ndeshje e cila ishte e vlefshme për raundin paraeliminar të Europa Leagues.

Kryeqytetasit, edhe pse ishin favoritë absolut për ta kaluar këtë rreth paraeliminar të Europa Leagues, sonte u mposhtën me rezultat 2-0, për t’u eliminuar kështu nga kundërshtari i parë që i doli përballë, një skuadër nga Gjibraltari.

Padyshim rol në humbjen e Prishtinës luajtën përjashtimet e Leotrim Bekteshit dhe Armend Dallkut në fillim të pjesës së dytë kur rezultati ishte akoma 0-0, e më pas në pjesën tjetër të ndeshjes vendasit e shfrytëzuan epërsinë numerike dhe arritën ta shënojnë dy herë (Villar 75’, Juanfri 80’), për ta fituar kështu duelin e sontëm dhe për të kaluar kështu në fazën tjetër të garës, ku do të ndeshen me skuadrën skoceze Rangers.

Pak para fundit nga loja u përjashtua edhe një lojtar i skuadrës vendase, mirëpo kjo nuk luajti rol në epilogun final të takimit, me ndeshjen që veçse ishte e mbyllur.

Me Prishtinën që përshëndetet nga garat evropiane sonte, nga Kosova momentalisht në garat evropiane ndodhet Feronikeli, i cili e ka kaluar rrethin paraeliminar në Ligë të Kampionëve dhe garat i vazhdon në rrethin e parë kualifikues ndaj skuadrës The New Saints nga Uellsi.


 
Të gjitha lajmet nga FFK Superliga