KAPITENI I RI
BOROZANI/Lis Dorambari
Pse sot Hysaj ishte kapiten?
29 May, 2016 @23:07
Mbrojtësi i Napolit, Elseid Hysaj, sot në mungesë të Lorik Canës në 11-shen e parë të ekipit ka bartur shiritin e kapitenit te kombëtarja shqiptare.
Shkodrani Hysaj ka kryer detyrat e tij mirë në mbrojtje, ndërsa Gianni De Biasi ka thënë se futbollisti i Napolit e ka merituar këtë.
“Hysaj është lojtar që mund të luajë edhe 10 vitet e ardhshme me Shqipërinë. Ai është me ne që nga viti 2013. Besoj se është e drejtë t’i njohim atij edhe si meritë për një kampionat fantastik që e ka bërë me Napolin,” ka shpjeguar De Biasi arsyen e lënies së 4-shes së kombëtares kapiten sot në përballje ndaj Katarit.
