Publikohet lista e Çekisë, mungon sulmuesi kryesor

Ashtu siç u paralajmërua mbrëmë, ashtu edhe ndodhi.

Sulmuesi më i mirë i Çekisë, Patrik Schick, për shkak të lëndimit nuk është në mesin e të ftuarve për ndeshjen që Çekia e luan ndaj Kosovës më 14 nëntor.

GRUPET DREJT EURO2020

Schick do të mungojë edhe në ndeshjet e Leipzigut në Champions League këtë mesjavë, ndërkohë mungesa e tij në ndeshjen ndaj Kosovës u konfirmua edhe nga përzgjedhësi i Çekisë, Jaroslav Šilhavý.

Sa i përket të ftuarve të tjerë të Çekia, përveç rikthimit nga lëndimi të Tomas Kalas, dikur futbollist i Chelseat, befasi të tjera nuk ka.