BESA ME TRIUMF TË MADH NË PRISHTINË
Qorraj sjell 3 pikë, Besa triumfon
18 November, 2015 @14:54
Momentet e vështira që po i kalon Prishtina këtë stinor nuk i kanë bërë fare përshtypje pejanëve sot, derisa Besa ka dominuar në pjesë të madhe të ndeshjes dhe ka shënuar fitore me rezultat minimal 0-1.
Golin e vetëm të ndeshjes e shënoi Florent Qorraj, pas një depërtimi në zonë të ekipit të bardhekaltërve, ndërsa raste tepër të mira ka pasur Kastriot Rexha, por pa arritur të shënojë. Në fakt, Rexha shënoi njëherë, por topi u devijua nga Fetim Kasapi dhe referi dha ofsajd.
Më pas, Prishtina mbeti edhe pa portierin Bekaj, që u ndëshkua me karton të kuq, derisa Sami Sermaxhaj nuk kishte mundësi zëvendësimi dhe në portë futi mbrojtësin Akil Makolli.
Në fund, Prishtina vazhdon të lëngojë, derisa Besa shënoi triumf të madh në kryeqytet.
Video
