Rafael Leao për fitore, Milan edhe më afër titullit

Një fitore e madhe për Milanin në takim ndaj Fiorentinës sot!

Rossonerët e mposhtën kundërshtarin e sotëm 1-0 falë një goli të vonshëm nga Rafael Leao (82’), fitore e cila mund të jetë vitale në luftën për titullin kampion.

Pjesa e parë e ndeshjes kaloi me Fiorentinën që kishte posedim më të madh të topit, ndërkohë që Milani nuk arriti ta bënte as edhe një gjuajtje në portën kundërshtare.

Gjithsesi, Milani nuk u dorëzua dhe arriti ta gjejë golin e fitores përmes Rafael Leaos dhe kështu iu gëzua tri pikëve të mëdha.

Në 3 ndeshjet e fundit, Milanit i duhen 2 fitore e 1 barazim për ta fituar matematikisht titullin, pasi që nëse përfundon me pikë të barabarta me Interin, renditet mbi të falë rezultateve më të mira në përballjet direkte.