Rashica në shitje, Werder ulë çmimin

Njëri ndër futbollistët më të mirë të Kosovës, Milot Rashica, është vënë në shitje nga klubi i tij Werder Bremen, raportojnë mediat gjermane.

Rashica që ka bërë të ditur më herët dëshirën e tij për tu larguar nga klubi, ende është në ekip dhe kontrata i skadon në verë të vitit të ardhshëm.

Kërkesa e Werderit prej 20 milionë eurove si dëmshpërblim, ka bërë që shumë ekipe të mos paguajnë për blerjen e krahut të Kosovës.

Ndërsa tash po raportohet se këtë verë, Werder do të jetë i gatshëm për shitje edhe prej 15 milionë eurove - dhe është duke pritur ofertat.