Rashica shënon përsëri, Vitesse e pesta

Djaloshi i ri nga Vushtrria, Milot Rashica, ka shënuar golin e dytë të tij për këtë stinor te Vitesse në Eredivisie. 

Rashica ka shënuar golin e pestë të skuadrës së tij në fitore ndaj Zwolles 1-5. Ai ka qenë 90 minuta në formacion të ekipit dhe është bërë njëri ndër lojtarët më standard këtë stinor te ekipi i tij, prej se kaloi aty nga vushtrria në fillim të këtij stinori. 

Rashica është edhe pjesë e pandashme e kombëtares shqiptare U-21. 

Përndryshe, Vitesse me këtë fitore është në vend të pestë të elitës holandeze që udhëhiqet nga treshja e ekipeve të famshme: Ajax, Feyenoord dhe PSV.