PREMIER LEAGUE
Rekord i ri i shpenzimeve në Premier League
1 September, 2017 @10:52
Përveç që është liga me më shumti shpenzime në këtë afat kalimtar, Premier League këtë verë e ka thyer rekordin e vet që e mbante verën e kaluar.
Vitin e kaluar në Premier League për transfere u shpenzuan 1.19 miliardë funte, ndërsa këtë vit kjo shifër u rrit në plot 1.47 miliardë.
Klubi me më së shumti shpenzime sivjet është Manchester City me gjithsej 217.3 milionë funte blerje, kurse pas Cityt vijnë Chelsea me 202 milionë dhe United me 169.5 milionë.
Interesant është fakti që gjithsej 12 klube e thyen rekordin e vet sa i përket shpenzimit në transferimin e një lojtari. Këto klube janë Arsenali, Bournemouthi, Brightoni, Burnley, Chelsea, Evertoni, Huddersfieldi, Liverpooli, Southamptoni, Tottenhami, Watfordi dhe West Hami.
