Rekordi i Premiership, sa fitojnë klubet e sa lojtarët?

Premier League e Anglisë ka shitur të drejtat televizive për vitet 2016 deri në vitin 2019 për rekord absolut të një lige futbolli në botë - 5.3 miliardë funta. 

Sky Sports, British Telecom dhe BBC janë transmetuesit që kanë paguar këtë shumë në radhitje: 4.2 miliardë Sky, 960 milionë BT dhe 204 milionë BBC. 

Asgjë nuk përfundon këtu për Premier League-në. Ky është çmimi vetëm për Britani të Madhe, ndërsa për jashtë vendit, Premier League pret që të përfitojë edhe 3 miliardë funta tjera. 

Me këtë marrëveshje, Sky Sports do të transmetojë drejtpërdrejtë 126 ndeshje gjatë gjithë stinorit, derisa BT 42 ndeshje. 

Llogaritjet tjera thonë se çdo klub i Premiership do të përfitojë së paku 99 milionë funta nga kjo kontratë, derisa kampioni do të mund të ngris përfitimet deri në 156 milionë funta. 

Këtë stinor, paga mesatare e një futbollisti në Premier League është 40 mijë funta në javë, ose 2.8 milionë funta në vjet. 

Vetëm liga amerikane e ragbit, NFL, përfiton më shumë sesa Premier League si ligë sportive në botë.