CELINA - PAS NDESHJES
Erdogan Celina, trajner i Lirisë/ BOROZANI/ D.S.
Rënia e koncentrimit ndikoi
9 April, 2016 @18:15
Trajneri i Lirisë Erdogan Celina pas ndeshjes ka thënë se ekipi i tij është një ekip krejt tjetër kur po luan jashtë vendit.
“Kemi pasur një rënie të koncentrimit në minutat e fundit dhe kjo na kushtoi. Ekipi ynë është krejt tjetër kur po luan jashtë, e krejt tjetër kur po luan brenda,” ka thënë Celina pas ndeshjes.
“Kur po luajmë jashtë sikurse po pajtohemi me fatin që nuk do të mund të marrim pikë, ndërsa brenda jemi ekip më i angazhuar, kërkojmë fitoren dhe luajmë krejt tjetër. Duhet t’i zgjidhim këto qasje,” ka shtuar ai më tej.
Liria ka bilanc krejtësisht negativ jashtë terrenit të vetë. Ata kanë shënuar vetëm një fitore jashtë Prizrenit këtë stinor dhe atë në fillim të stinorit ndaj Istogut.
Liria po lufton për t’i ikur zonës së Play-Outit këtë stinor. Ekipi xhiron e radhës ka punë të vështirë ku ndeshet me rivalin e drejtpërdrejtë për zonën e rrezikshme, Dritën.
