Rënia më e madhe që nga korriku i 2008-ës!

Gjashtëmbëdhjetë pozita më poshtë. Kombëtarja e Shqipërisë e cila ishte renditur në pozitën e 54-të në muajin e kaluar, tani gjendet në pozitën e 70-të të renditjes botërore të FIFA-së.

Kjo është renditja më e keqe e Shqipërisë që nga muaji shkurt të vitit 2013, kur ishte e 71-ta, si dhe rënia më e madhe që nga korriku i vitit 2008 kur kishte rënë për 18 pozita më poshtë.

Shqipëria ndeshjen e fundit e kishte luajtur kundër Maltës më 5 mars, kur kishte fituar me rezultat 2-0.

Portugalia në TOP 3

Kundërshtari më i fortë i kuqezinjëve në grupin kualifikues për EURO 2016, Portugalia, është ngjitur në TOP 3, duke përparuar për një pozitë, kurse para saj gjindet vetëm Spanja dhe Gjermania të cilat i kanë ruajtur pozitat e tyre.

Përparim të ndjeshëm ka pasur edhe Armenia, e cila është ngjitur në pozitën e 33-të duke kapërcyer 8 pozita, derisa Danimarka (23) dhe Serbia (30) kanë rënë për një pozitë, përkatësisht dy pozita.

Renditja e FIFA-s për muajin prill