SHQIP NË EUROPË
Renova duke festuar titullin e kampionit të Maqedonisë, vite më parë/ Foto nga arkivi
Renova nis misionin europian
29 June, 2015 @9:14
Skuadra shqiptare nga Xhepçishti i Maqedonisë, Renova, nesër do të zhvillojë ndeshjen e parë kualifikuese për Europa League ndaj Dacias së Moldavisë.
Ndeshja zhvillohet në stadiumin Filipi II në Shkup, me fillim në ora 21:00.
Renova drejtohet nga trajneri Qatip Osmani dhe është thuajse favorit, pasi që bastoret ndërkombëtare e kanë kuotuar fitoren e tyre me 2.40, barazimin me 3.40 ndërsa fitoren e ekipit moldav me 2.63.
Të kujtojmë, Renova është kualifikuar në Europa League duke e përfunduar në vend të tretë kampionatin maqedon, pas Rabotnickit dhe Shkëndijës.
Kjo është dalja e parë në Europë për Renovën pas vitit 2012 kur patën kaluar fazën e parë për t’u eliminuar në xhiron e dytë të kësaj gare nga Gomeli (Bellorusi) me rezultat të përgjithshëm 2-1.
