Rikthehet Bruno

Manchester United ka bërë të ditur para pak çastesh edhe zyrtarisht në webfaqen e klubit se pas një pushimi veror të merituar në klub është kthyer ylli portugez i ekipit Bruno Fernandes.

Mesfushori 26-vjeçar që pas stinorit në Premier Ligë u angazhua edhe me Portugalinë në EURO 2020, ku arriti deri në të tetën e finales, për tu eliminuar aty ngushtë nga Belgjika 1-0, sot i është kthyer stërvitjeve me ekipin dhe tashmë do të bëhet gati për një stinor edhe më kërkues se të kaluarin.

Kujtojmë, Manchester United këtë stinor dëshiron t’i bëjë konkurrencë serioze rivalit lokal dhe kampionit Manchester City, pasi që në radhët e veta ka sjellë qendërmbrojtësin e dalluar francez Raphael Varane, ndërsa javë më parë ka marrë edhe shpresën e madhe angleze Jadon Sancho nga Borussia Dortmund dhe ia vazhdoi kontratën trajnerit Ole Gunnar Solskjaer.