Sebino Plaku shpëton Teutën, kampionja kualifikohet me përmbysje

Pas humbjes turpëruese në Niko Dovana javë më parë, 0-2, Teuta ka arritur që me rezultat të njëjëtë falë golave të veteranit Sebino Plaku të çojë ndeshjen në vazhdime në përballjen e kthimit të rrethit të dytë të UEFA Conference League.

E në vazhdime, një penallti e fituar nga durrësakët, shënuar nga futbollisti i kombëtares Sherif Kallaku ka nxjerrë faqebardhë Djemtë e Detit karshi andorrasve luftarak.

Plaku 36-vjeç së pari ka shënuar në minutën e 25 të ndeshjes, ndërsa 10 minuta para fundit të duelit ka siguruar vazhdimet për skuadrën, duke bërë rezultatin e përgjithshëm 2-2.

Kallaku në të 105-tën minutë konvertoi penalltinë në gol, për të siguruar rrethin e tretë kualifikues për ekipin e drejtuar nga shkodrani Edi Martini, me përfundimtaren Inter d’Escalades 0-3 Teuta.

Pas kalimit të rrethit të dytë kualifikues, Teutën e pret Shamrock Rovers më 5 gusht, ndërsa ndeshja e kthimit luhet më 12 gusht në Durrës.