Rikthehet Zhdrella

​Lajm i mirë për skuadrën e Feronikelit. Skuadrës nga Drenasi pas një kohe të gjatë i është rikthyer sulmuesi Mentor Zhdrella, i cili ishte jashtë fushave për 2 muaj për shkak të operimit të detyrueshëm në nyjen e këmbës.

4 herë futbollisti i vitit në Kosovë ka filluar vrapimet që nga e hëna dhe shumë shpejt do të jetë plotësisht i gatshëm për përzgjedhje nga trajneri Afrim Tovërlani.

Feronikeli momentalisht ndodhet në vendin e tretë në tabelë, me 2 pikë më pak se lideri Hajvalia dhe rikthimi i Zhdrellës do të ishte si një përforcim i ri në luftën për titull.