KUPA E KOSOVËS
Llapi demolon Gjilanin, arrin gj’finalen
16 March, 2016 @15:25
Gjilani i Bylbyl Sokolit nuk i ka përngjarë fare ekipit që po lufton për titull sot. Ekipi kuqebardhë nga Gjilani është demoluar nga Llapi i Tahir Batatinës në Merdare ku ka pësuar 4-0 për tu eliminuar nga Kupa e Kosovës.
Llapi ka siguruar gjysmëfinalen me golat e shënuara në pjesë të parë, kur kapiteni Benjamin Emini i jep avantazhin ekipit nga penalltia, e pastaj Edon Zeqiri çon skuadrat në pushim me golin e tij për 2-0.
Rastet e Gjilanit në pjesë të parë, kryesisht nga Arbër Shala, nuk qëlluan rrjetën e portierit Afrim Ademi, që mbrojti disa raste të mira.
Në fillim të pjesës së dytë Gjilani dështoi të shënojë nga penalltia, kur Bahri Kera nuk arriti të qëllojë portën e Ademit, ndërsa Llapi në anën tjetër ia ktheu me gol përmes Hamdi Namanit, 3-0. Në fund, edhe sulmuesi i njohur Enis Zabërxha shënoi për të vulosur fatin e takimit dhe gjysmëfinalistin e Kupës.
FORMACIONET STARTUESE:
| LLAPI: | Ademi, Jashari, Sinani, Kuka, Blakçori, Namani, Shabanaj, Zogiani, Zeqiri, Emini, Zabërxha. Trajner: Tahir Batatina. | ||
| GJILANI: | Kaqiu, Shala, Kastrati, Hasani, Jamal, Kera, Mustafa, Shabani, Rexhepi, Rusi, Salihu. Trajner: Bylbyl Sokoli. |
